Куьунну киьи кулбутунэн

 

                            

 Күhүңңү киhи күлбүтүнэн» диэн девизтээх «Көмүс күhүн» бырааhынньыкпытын балаҕан ыйын 22 күнүгэр ыыттыбыт. Бырааhынньыкпытыгар о5олор талан ылыллыбыт о5уруот аьын рекламалаатылар уонна саамай кыра, саамай улахан, сэдэх ас, дьикти коруннээх-формалаах астарынан курэхтэстилэр. Бастын реклама кыайыылаахтара буоллулар 5 кылаас уорэнээччилэрэ. Дьикти коруннээх уонна саамай кыра о5уруот бастын аатын суктэ 5 кылаас уорэнээччитэ Кычкин Максим. Саамай улахан о5уруот аьын аатын суктэ Скрябин Элдьар. Бырааhынньыкпытын үгэс буолбут дьаарбаңканан түмүктээтибит.

 

Балаҕан ыйын 1 күнүгэр үөрэх дьылын көрсө оскуолабытыгар мустан «Билии күнүн» ыллыбыт. Оскуола маннайгы чуораанын тыаһаттылар Олесов Саша уонна Гуляев Марсель. Быйылгы үөрэх дьылыгар оҕолорго үрдүктэн үрдүк ситиhиилэри, баай билиини баҕарабыт.
Балаҕан ыйын 1 күнүгэр үөрэх дьылын көрсө оскуолабытыгар мустан «Билии күнүн» ыллыбыт. Оскуола маннайгы чуораанын тыаһаттылар Олесов Саша уонна Гуляев Марсель. Быйылгы үөрэх дьылыгар оҕолорго үрдүктэн үрдүк ситиhиилэри, баай билиини баҕарабыт.

Новости

 Ахсынньы - Остуоруйа ыйа, Билгэ Хаан

                           

 Сыала –соруга: Билии ыйа. Ахсынньы ый саҕаланыыта буоларын курдук ыйбыт кэрдиитинэн тэрээһин буолла. Тэрээһины ыытта Баишева Е.Е. Ол курдук ый айыытын, бэлиэтин , тыаһын, малын оҕолорго билиһиннэрдэ. Ахсынньы ый остуоруйа ыйа буоларын быһыытынан кылаастар кылгас остуоруйа туруордулар. Хамаандаҕа арахсан өйу сайыннарар оонньууга кытыннылар. Үөрэ-көтө оонньоон баран ый аһын көбүөрдээх лэппиэскэни астына-дуоһуйа сиэтибит.

 

Сэтинньи - Байанай ыйа

 

                                   

 

Сыала –соруга: Үөрэххэ- билиигэ билэр-керер  дьоҕуру,  сылыктаан  толкуйдуур, бэйэ кыаҕар эрэнимтиэ буолуу хаачыстыбаларын сайыннарыы.

 

Байанай ыйын - Сэтинньи ыйбыт кэрдиитин тэрийэн ыытта Баишев С.М. Буоларын курдук бастаан оҕолорбутугар ыйбыт айыытын билиһиннэрдэ Лебедева П.Е. Онтон уолаттарбытыгар анаан өбугэ оонньуута буолан ааста.  Уонна угэс быһыытынан ыйбыт аһыгар тигистибит.

 Алтынньы ый - Добдур5а, Хотой Айыы ыйа

                                               

 Сыала –соруга:Тэрээһиннээх буолууну  тэрийии, көмүскэс, аһыныгас санааны иитии

 Угэс быһыытынан саҥа ыйбыт саҕаланан, ый кэрдиитинэн тэрээһин буолан ааста.Тэрээһини бэлэмнээн ыыттылар: Парфенова Е.Н., Свинобоева Е.Е., Харитонова С.И. Тэрээһиммит саҕаланыыта Харитонова С.И. оҕолорго эти –сиини сайыннарар төрут хамсаныылары көрдөрдө. Ол кэннэ Парфенова Е.Н.,Свинобоева Е.Н. алтынньы ый айыытын Добдурҕа, Хотой Айыыны оҕолорго билиһиннэрдилэр. Уолаттарга аннаан кыра курэх буолла.Тумугэр ыйбыт аһыгар хоточчу буспут ынах хааныгар тигистибит. Бу тэрээһиҥҥэ оҕолор, төрөппүттэр көхтөөх кыттыыны ыланнар астынан-дуоһуйан тарҕастылар.

 Балаҕан ыйа - Улуу Суорун ыйа

                               

 Сыала –соруга: Идэ иҥэриитэ. Балаҕан ыйыгар Улуу суорун ыйын бэлиэтээтибит. Ол курдук оҕолорбутугар бастаан ыйбыт айыытын билиһиннэрдэ Лебедева П.Е. Ол кэннэ өс хоһооно, таабырын таайсыыта буолла уонна төрут остуол оонньууларын оонньоотулар.  Астына дуоһуйа оонньоон баран ыйбыт аһыгар мииннэммит минньигэс, сибиэһэй собоҕо тигистибит.

"Идэ5ин сөпкө талыаҥ - дьоллоох буолуоҥ"

       Хас биирдии үөрэнээччи оскуоланы бутэрэн баай, киэҥ билиилэнэн олох киэҥ аартыгар уктэнэр. Онон оҕо оскуолаҕа үөрэнэр кэмигэр ханнык идэни баһылыахтааҕын эрдэ быһаарынара ордук. Бэһис, алтыс кылаас үөрэнээччилэригэр профанкетирование ыытылынна. Оҕолор бары кехтеехтүк кытыннылар, ким ханнык үөрэххэ туттарсарын быһаардылар, туох идэлээх буолуохтаахтарын эттилэр.   

"Махтал, эйиэхэ, уһуйааччы!"

     Сарсыарда оҕолор уһуйааччыларын кэрэ бэлэхтээх көрсөн уертулэр. Бу курдук үөрүүлээх идэтийбит бырааһынньыкпыт саҕаланна.

     "Махтал, эйиэхэ, уһуйааччы!" диэн тэрээһиммит олохтоох дьаһалта, культура улэһиттэрэ, профком кыттыылаах үрдүк таһымнаахтык ааста. Истин тыллары иһиттибит, эҕэрдэ нүөмэрдэри көрдүбүт, сэмэй бэлэхтэри туттубут.

"Көмүс күһүн"

     «Сир быйаҥнаах, киһи сатабыллаах» диэн девизтээх «Көмүс күhүн» бырааhынньыкпытын балаҕан ыйын 23 күнүгэр ыыттыбыт. Бырааhынньыкпыт 3 түhүмэҕинэн ыытылынна. 1-кы түhүмэххэ айылҕа матырыйаалыттан  «Киинэ уонна спорт» диэн Киинэ сылыгар аналлаах композициялары оңордулар, 2-с түhүмэххэ икки хамаандаҕа арахсан көрдөөх-нардаах оонньуу буолла. Бырааhынньыкпытын үгэс буолбут дьаарбаңканан түмүктээтибит. Бары үөрэн-көтөн, астынан дьиэбитигэр тарҕастыбыт.

    

«Билии күнэ»

    Балаҕан ыйын 1 күнүгэр үөрэх дьылын көрсө оскуолабытыгар мустан «Билии күнүн» ыллыбыт. Υөрэхпит дьылын Петров Петр Николаевич диэн саңа салайааччылаах көрүстүбүт.

     Оскуола маннайгы чуораанын тыаһаттылар Федя Кычкин уонна Диана Петрова. Талба талааннаах, киэн билиилээх алта сана учуутал улэтин саҕалаата. Олохтоох дьаһалта баһылыгын солбуйааччы Кычкин Андрей Никитич маҥнайгы кылаас оҕололугар бэлэх туттарда. Пестряков Виталий Михайлович уерэнээччилэргэ, учууталларга, тереппуттэргэ эҕэрдэ тыл эттэ. Быйылгы үөрэх дьылыгар оҕолорго үрдүктэн үрдүк ситиhиилэри, баай билиини, ситиһиилээх уерэнээччи буолалларыгар баҕарабыт.

 

 «Тиһэх чуораан» бырааһынньыга

 Ыам ыйын 25 күнүгэр чугдаарар чуораан арыаллаах «Тиһэх чуораан» бырааһынньыга үөрүүлээхтик ааста. Оскуолабыт выпускниктарын көрсөн, кылаас чааһын ыытан, үөрэппит учууталлара тыл этэн эҕэрдэлээтилэр. Кулаковская А.Д. оскуола бастакы дириэктэрэ, Харитоновтар ийэлэрэ аатынан стипендияны 4 кылаас үөрэнээччитигэр Стручков Айаалга туттардылар.

 Тэрээһин үөрэнээччилэр «Баҕа санаа» шаригын күөх халлааҥҥа ыытыыларынан түмүктэннэ.

Улуу Кыайыы 71 сылын өрөгөйдүү көрсөр парад

Ыам ыйын 8 күнүгэр Тарат бөһүөлэгэр Улуу Кыайыы 71 сылын өрөгөйдүү көрсөр парад сүрдээх тэрээһиннээхтик, сэргэхтик буолан ааста. Нэһилиэк олохтоохторо, үөрэнээччилэр уонна тэрилтэ үлэһиттэрэ бары, байыаннай формалаах кыайыы парадыгар хааман, көхтөөх кыттыыны ыллылар. Оскуола үөрэнээччилэрэ, детсад иитиллээччилэрэ бэтэрээннэри эҕэрдэлээн кыайыы ырыатын ыллаан, үҥкүүлээн, хоһоон этэн  дьону – сэргэни сэргэхситтилэр. 

Киэһэтин сэрии толоонугар охтубут буойуттарга анаан “Свеча памяти” тэрээһин буолла. Бу үөрүүлээх күнү кыайыы уоттаах-күөстээх  салютунан түмүктээтибит.

 Тыыл бэтэрээннэригэр көмө

 

Ыам ыйын 6 кунугэр патриотическай иитии месячнигын чэрчитинэн оҕолор уонна учууталлар буолан тимуровскайдаатыбыт. Тыыл бэтэрээннэригэр оҕолор бэйэлэрин илиилэринэн оҥорбут сэмэй бэлэхтэрин уонна музыкальнай нүɵмэрдэрин бэлэхтээтилэр.

 

 

 Аан дойдутааҕы "Азия оҕолорун" спортивнай оонньуу уотун кɵрсүү

Ыам ыйын 6 кунугэр Аан дойдутааҕы "Азия оҕолорун" спортивнай оонньуу уотун кɵрсүү буолан ааста. Биhигиттэн уоту тутан сүүрэргэ Кычкин Федяга (5 кылаас) уонна Стручков Айаалга (4 кылаас) тигистэ.

 

Куйуур

Кулун тутар 16 күнүгэр оскуолабыт иhинэн үгэс буолбут "Куйуур 2016" буолан ааста. Оҕолорго куйуур сэбин-сэбиргэлин, ньыматын туhунан оскуолабыт директора, тɵрɵппүт Шестаков А.А. сиhилии кэпсээтэ, кɵрдɵрдɵ. Манна оҕолор куйуурдаан, айылҕаҕа оонньоон кɵрүлээн, аҕыйах да буоллар бултаах тɵннүбүттэрэ.

 

 

"Олоҥхо Кэрэ Куота"

Кулун тутар 10 кунугэр кыргыттарга аналлаах "Олоҥхо Кэрэ Куота" диэн күрэх буолан ааста. Кыргыттар 5 түhүмэххэ күɵн күрэстэстилэр. Ол түмүгүнэн:

"Кэрэчээнэ Куо" үрдүк аатын сүктэ Константинова Айаана, 4 кылаас үɵрэнээччитэ,

"Айталыына Куо" - Егорова Дайаана, 5 кылаас үɵрэнээччитэ,

"Мичийээнэ Куо" - Шестакова Аня, 2 кылаас үɵрэнээччитэ.

 

 

Республика үрдүнэн "Подкорми птиц" акция биһиги оскуолабытыгар

Кулун тутар 4 күнүгэр Республика үрдүнэн "Подкорми птиц" диэн акция буолан ааста. Оҕолор бары кылааhынан чыычаахтарга уйа оҥорон ыйаатылар.

 

Олесова Наталья Афанасьевна аатынан

«ИЙЭ ТЫЛЫМ – КӨТӨР  КЫНАТЫМ»

Мэҥэ Хаҥалас улууһун  учууталларын

бэһис педагогическай ааҕыылара 

Олунньу 26 күнэ 2016 сыл

 

Тиэмэтэ: “ТҮӨЛБЭМ КИЭН ТУТТАР КИҺИТЭ”.

Ааҕыы сыала: Ийэ тыл, литература, төрүт култуура уонна алын сүһүөх кылаас учуутала үөрэнээччитин кытта чинчийэр үлэтин уопутун көрүү, айымньылаах таһымҥа таһаарыы, төрөөбүт түөлбэҕэ тапталы иитии. Барыта  13 оскуолаттан 56 кыттааччы 30 үлэни көмүскээтилэр. 

Тэрээһин хаамыыта:  Бэлиэтэнии. «Айыы сырала» олоҥхо оскуолатын көрүү. «Ийэ тылым – көтөр кынатым» тэрээһини үөрүүлээхтик арыйыы. «Түөлбэм киэн туттар киһитэ» чинчийэр үлэни көмүскээһин. Олоҥхо кыһатын сандалыта. Эбиэт.  «Түөлбэм киэн туттар киһитэ» чинчийэр үлэни көмүскээһин. Олесовскай ааҕыы кыайыылаахтарын эҕэрдэлээһин. 

ДЬҮҮЛЛҮҮР СҮБЭ:

Олесова Саргылана  Гаврильевна пед.наука  кандидата  ХИФУ  филологическай  факультетын  доцена, СР үөрэҕириитин туйгуна; Олесова Вера Пролкопьевна “Олимпионик” уһуйаан иитээччитэ, СР үөрэҕириитин туйгуна; Аргунова  Любовь  Семеновна – пед.үлэ  ветерана,  РСФСР үөрэҕириитин  үтүөлээх  учуутала; Архипова Елена  Афанасьевна филологическай наука  кандидата, ХИФУ  филологическай  факультетын  доцена; Варламова Анисия Петровна - Мэҥэ Хаҥалас улууһун үөрэҕин управлениетын методиһа. Парасковья Егоровна Лебедева  Догдоҥо оскуолатын дириэктэрэ, СР үөрэҕириитин туйгуна, РФ уопсай үөрэхтээһинин бочуоттаах үлэһитэ.   

Кыайыылаахтар:

Лауреат үрдүк аата – Татаринов Юра Догдоҥо оскуолатын 6 кылааһын үөрэнээччитэ, учуутала Андросова Елена Васильевна «Николай Иванович Степанов – Ноорой Мэҥэ-Хаҥалас улууһун биллиилээх олоҥхоһута»

1 таһымнаах Диплом – Заровняева Света Төҥүлү оскуолатын 7 кылааһын үөрэнээччитэ, учуутала Плотникова Саргылана Дмитриевна «Марфа Куличкина ырыа буолбут хоһооннорун дьүһүлгэнэ»

2-с таһымнаах Диплом – Аргунов Валера, Аргунов Вадим Тиэлиги оскуолатын 1 кылааһын үөрэнээччилэрэ, учууталлара Иванова Светлана Михайловна «Биһиги нэһилиэкпит киэҥ туттар дьоһун дьоно»

 3-с таһымнаах Диплом – Шарина Аля Моорук оскуолатын 3 кылааһын үөрэнээччитэ, учуутала Билюкина Анна Филипповна «Александр Дмитриев - Чүмэчи»

 "Уол аҕатынаан"

Олунньу 18 кунугэр Аҕа дойдуну кɵмүскээччилэрин күнүгэр аналлаах "Уол аҕатынаан" диэн ɵбүгэ оонньууларыгар күрэх буолан ааста. Манна тɵрɵппүт уолунаан кэлэн кɵхтɵɵх кытыыны ыллылар. Күрэх 5 түhүмэҕинэн барда. Күрэх түмүгүнэн маҥнайгы миэстэ Максимовтар дьиэ кэргэннэригэр тиксибитэ, иккис миэстэ - Стручковтар дьиэ кэргэннэригэр уонна үhүс миэстэ - Кычкиннар дьиэ кэргэннэригэр.

 

 «Төрөөбүт тыл, сурук – бичик нэдиэлэтэ

 

 «Төрөөбүт тыл, сурук – бичик нэдиэлэтэ диэн тэрээһин олунньу 8 күнүттэн 12 күнүгэр диэри былаан быһыытынан ааста. Эппиэттээх 5 кылаас анаммыт тэрээһиннэрин сөптөөхтүк, бэйэлэрин кыахтарынан ыытта.

Нэдиэлэҕэ былаан быһыытынан ыытыллар тэрээһиннэр бардылар. Үгүс үлэни эрэйдэ.

8/02 "Иитиллибит ийэ тылым диэн ааттаах сээркээн сэһэн С.А.Новгородов олоҕор, айар үлэтигэр аналлаах презентация оҥоһуллан бары кылаастарга сырдатылынна.

9/02 «Мин тылым – мин көтөр кынатым» 2-3 кылаастарга олимпиада ыытылынна. Кылаастартан барыта 5 оҕо кыттыыны ылла. Бастакы миэстэни иккис кылаас үөрэнээччитэ Дьяконова Елена 26 бааллаах, иккис миэстэни иккис кылаас үөрэнээччитэ Шестакова Аня 23 бааллаах, үһүс миэстэни иккис кылаас үөрэнээччитэ Максимов Рустам 21 бааллах кыайыыны ситистилэр. Төрдүс миэстэ 17 бааллаах үһүс кылаас үөрэнээччитэ Кычкин Максим, бэһис миэстэ 6 бааллаах үһүс кылаас үөрэнээччитэ Максимов Айдын. Кыайыылаахтар дипломнарынан наҕараадаланнылар.

10/02 «Төрөөбүт тылым – барҕа баайым» диэн ааттаах библиотечнай уруогу Араҥас нэһилиэгин библиотекара Дьячковская Александра Никитична иилээн саҕалаан ыытта. Оҕолорго интириэһинэй дьарыктаах Төҥүлү нэһилиэгин олохтооҕун, уруһуй учууталын, хоһоонньук, теннисчит Наум Федорович Киренскайы кытта билиһиннэрдэ. Наум Федорович бэйэтин айар үлэтин билиһиннэрдэ. Хоһоон форматын быһаарда. Оҕолорго оонньуу ыытта, биир буукубаттан үс мүнүүтэ иһигэр ким элбэх тылы суруйарынан. Бастакы миэстэни төрдүс кылаас үөрэнээччитэ Стручков Айаал, иккис миэстэни бэһис кылаас үөрэнээчитэ Максимов Арсен, үһүс миэстэни төрдүс кылаас үөрэнээччитэ Константинова Айаана ыллылар. Миэстэлэспит оҕолорго Наум Федорович бэйэтин уруһуйдарын бэлэх уунна. Бу кэннэ Александра Никитична быйылгы сылга үбүлүөйдээх Николай Егорович Мординов - Амма Аччыгыйын олоҕун, айар үлэтин билиһиннэрдэ.   

11/02 «Мин тылым – мин көтөр кынатым» 4-5 кылаастарга олимпиада ыытылынна. Кылаастартан барыта 5 оҕо кыттыыны ылла. Бастакы миэстэни төрдүс кылаас үөрэнээччитэ Стручков Айаал 60 бааллаах, иккис миэстэни бэһис кылаас үөрэнээччитэ Максимов Арсен 42 бааллаах, үһүс миэстэни бэһис кылаас үөрэнээччитэ Кычкин Федя 34 бааллах кыайыыны ситистилэр. Төрдүс миэстэ 33,5 бааллаах төрдүс кылаас үөрэнээччитэ Константинова Айаана, бэһис миэстэ 33 бааллаах төрдүс кылаас үөрэнээччитэ Олесов Саша. Кыайыылаахтар дипломнарынан наҕараадаланнылар.

12/02 «Төрөөбүт тылым – барҕа баайым» диэн интеллектуальнай оонньуу ыытылынна. Оҕолор икки хамаандаҕа араҕыстылар. Бастакы хамаанда “Араҥас эрэллэрэ”: Стручков Айаал, Кычкин Максим, Шестакова Аня, Максимов Рустам, хамандыыр Максимов Арсен,  иккис хамаанда “Урааҥхайдар”: Олесов Саша, Максимов Айдын, Дьяконова Елена, Ильин Валера, хамандыыр Кычкин Федя. Биэс түһүмэхтээх буолбута. Сорудахтар олоҥхоттон, литератураттан, тылтан бааллара. Дьүүллүүр сүбэҕэ председатель директоры иитии чааһыгар солбуйааччы Птицына Анна Михайловна, чилиэннэрэ: профсоюз председателэ, алын кылаас учуутала Громова Марианна Семеновна уонна уруһуй учуутала Николаева Лидия Михайловна. Бастакы миэстэни 18 бааллаах «Араҥас эрэллэрэ» хамаанда, иккис миэстэни 11 бааллаах «Урааҥхайдар» хамаанда ыллылар. Хамаандалар грамоталарынан, бириистэринэн наҕараадаланнылар. 

   

 Cаҥа дьыл - 2016

Ахсынньы ый 28 күнүгэр күүтүүлээх саҥа 2016 эбисийээнэ сылын кɵрүстүбүт. Бу сыл киинэ сылынан биллэриллибитинэн сирдэтэн оҕолор ол темаҕа маскарадтарын оҥостон кэлбиттэрэ киhини сɵхтɵрбүтэ. Бу күн араас кɵрдɵɵх оонньуулар, минньигэс астаах кафе уонна аттракционнар оонньоммуттара. Маскарад куонкурсугар бастакы миэстэ Олесова Айыллаанаҕа, 1 кылаас үɵрэнээччитигэр, тиксибитэ, иккис миэстэ - , үhүс миэстэ - Петрова Вика, 1 кылаас үɵрэнээччитэ.

 Оскуолабыт 50 сыллаах үбүлүөйэ

 

Ахсынньы 18 күнүгэр үөрэммит, үлэлээбит, кынат үүннэрбит оскуолабыт үйэ аҥардаах үбүлүөйүн бэлэтээтибит.

Үбүлүөйү «Алгыс арчылаах түһүлгэтэ» үөрүүлээх сиэринэн-туомунан астыбыт. «Олоҥхо эйгэтэ ыҥырар» диэн ааттан оскуола иһин көрүү буолла. «Оҕо саас ахтылҕана» бастакы выпускниктары кытта көрсүһэн оскуола оҕолоругар кылаас чааһа ыыттылар. «Айыы сырала» олоҥхо педагогиката: олоххо киллэрии суола-ииһэ аһаҕас уруок, маны тэҥэ «Олоҥхо дойдутугар айан» үлэлии сылдьар учууталлар, иитээччилэр маастар кылаастара, быыстапкалара буоллулар.

Бу кэннэ биһиги оскуолабытыгар үөрэнэн ааспыт үөрэнээччилэрбит олох киэҥ аартыгар үктэнэн, туох ситиһиилэммиттэринэни «Мин дойдум – олоҥхо дойдута» диэн ааттаах маастар кылаас ыыппыттара. «Билиигэ уһуйбут тапталлаах оскуолам» диэн ис сүрэхтэн кэпсэтиигэ билии кыһатын үөрүүлээхтик аһыы түгэнигэр кыттыбыт, уон оҕо ийэтэ Киренская Матрена Егоровна оҕолоро, спорт өттүгүгэр элбэх ситиһиилээх Цыпандиннар дьиэ кэргэттэрэ, үрдүк үөрэх кыһатын баһылаабыт Бочкаревтар дьиэ кэргэттэрэ кыттыыны ыллылар. Маны таһынан культура, үөрэх, тыа хаһаайыстыбата, спорт, полиция, байыннай комиссариат, налоговай инспекция, тутуу, ОДьКХ эйгэлэригэр үлэлии – хамсыы сылдьар ситиһиилээх выпускниктарбытын бэлиэтээтибит.  

Биир күндү бэлэҕинэн оскуола  историятын  сырдатыы олус  суолталааҕын  өйдүүр, аҕа  көлүөнэ  олорон  ааспыт  олоҕун  туһунан   кэнчээри  ыччакка  тиэрдэр,  чахчы баары  харыстыыр,  үйэтитэр сыаллаах өр сылларга үлэлээбит Харитонова С.И., Абрамова С.П. автордардаах кинигэбит күн сирин көрдө.

Үбүлүөйбүт эҕэрдэ кэнсиэринэн, көлүөнэлэр көрсүһүүлэринэн түмүктэннэ. Бары кэлбит ыалдьыттарбыт, үлэлээн ааспыт учууталларбыт, выпускниктарбыт астынан, дуоһуйан, махтанан тарҕастылар.   

 

Ахсаан  нэдиэлэтэ

Бастакы күн: “Бастыҥ ахсаанньыт” күрэххэ 3-5 кылаас үөрэнээччилэрэ төгүл таблицатын бириэмэҕэ түргэнник билиигэ куоталастылар. Саамай кылгас бириэмэҕэ уонна сыыһата суох оҥорон 5-с кылаас үөрэнээччитэ Егорова Дайаана кыайыылааҕынан таҕыста. 1 кылаас үөрэнээччилэрэ 10 иһинэн холобурдары уонна задачалары суоттаан, кыайыылааҕынан Олесова Айыллаана, 2 миэстэ Петрова Вика уонна 3 миэстэҕэ Шестаков Ваня таҕыстылар.

Иккис күн:  Ахсааҥҥа сыһыаннаах өс хоһооннору, таабырыннары истии. Саамай элбэх өс хоһооннорун уонна таабырыннары таайтаран Стручков Айаал кыайыылааҕынан буолла.

Үһүс күн: «Поле чудес” оонньуу.  Үөрэнээччилэр  математика тиэрминнэрин төһө билэллэрин көрдөрдүлэр. Сорудахтар хас түһүмэх аайы үөрэнээччилэр билиилэригэр, таһымнарыгар сөп түбэһэр гына оҥоһулуннулар. Оонньууга бастакы 4 түһүмэххэ кылаастан биирдии оҕо:

2 кылаастан – Максимов Рустам

3 кылаас – Кычкин Максим

4 кылаас – Стручков Айаал

5 кылаас – Егорова Дайаана  талыллан, салгыы финалга таҕыстылар. Финал уонна супер-оонньуу түһүмэхтэрин барытын таайан 5-c кылаас үөрэнээччитэ Егорова Дайаана кыайыылаҕынан буолла.

Төрдүс күн: Геометрическай фигуралары туһанан олоҥхо тематыгар уруһуйдар выставкалара буолла. Уруһуй конкурсун түмүгүнэн Константинова Айаана - 1 миэстэ, Стручков Айаал – 2 миэстэ, Шестаков Ваня – 3 миэстэ буоллулар.

Бэһис күн: Түмүктүүр тэрээһин - «Аптаах, алыптаах ахсаан дойдута» станцияларынан оонньуу олус көхтөөхтүк буолан ааста. Үөрэнээччилэр Кычкин Федя уонна Максимов Арсен  капитаннаах икки хамаандаҕа арахсан күөн көрүстүлэр. Барыта 9 станцияны аастылар:

  1. Кроссворд

  2. Тыллары бул

  3. Танграм

  4. Тулалыыр эйгэм тула

  5. Дартс

  6. Задача

  7. Ребус

  8. Ахсаанньыт
  9. Таайбараҥ

Хамаандалар бэриллибит маршрутнай илиистэр сорудахтарын толороллор, сатаан онорботозторуна эбии, көмө задачалары суоттаан салгыы барар кыаҕы ылаллар.  Түмүгэр Кычкин Федя хамаандата бары станциялары ааһан, кистэммит кылааты бастакынан булан кыайыылааҕынан таҕыста.

Бары күрэх кыайыылаахтара грамотанан уонна сыаналаах бириистэринэн наҕараадаланнылар.

 

“Идэһэ” бырааһынньыга

 

Сэтинньи 19 күнүгэр үгэс буолбут “Идэһэ” бырааһынньыга буолан ааста. Бары сахалыы мааны таҥас таҥнан бырааһынньыкпытын саҕалаабыппыт. Тэрээһиммит алгыһынан саҕаламмыта. Тэрээһин 3 түһүмэҕинэн ааста: 1 түһүмэххэ – оҕолор “Төрүт ас туһата” диэн ааттаах дакылааттары иһитиннэрдилэр, 2 түһүмэххэ – оҕо төрөппүтүнээн “ТОК” күрэххэ кытыннылар уонна бүтэһик түһүмэххэ – үгэс буолбут оҕолорго аналлаах “Өбүгэ оонньуулара” бырааһынньыгы сэргэхситтэ. Кыайыылаахтар грамотанан наҕараадаланнылар.

 “Кэскил” уонна “Кэнчээри”

 

Алтынньы 29 күнүгэр оскуола оҕолорун оҕо тэрилтэтигэр ылыы бырааһынньыгын бэлиэтээтибит. Оҕолор тэрилтэлэргэ киириэхтэрин иннинэ араас сорудахтары толордулар. Начаалынай кылаас оҕолоро “Кэскиллэр”, орто сүһүөх оҕолоро “Кэнчээрилэр”.

Ийэ күнэ

 

Алтынньы 16 күнүгэр “Ийэ күнүн” бэлиэтээтибит. Ийэлэр кэлэн көхтөөх кыттыыны ылбыттара. Бу күн ийэлэргэ анаан куонкурус ыытыллынна. Куонкурус 3 түһүмэҕинэн барда: 1 түһүмэххэ – ийэлэр оҕолоро уруһуйдаабыт уруһуйдарын булуохтаахтар, 2 түһүмэххэ – өй күрэҕэ уонна бүтэһик түһүмэххэ – кыыс баттаҕын өрүү. Куонкурус түмүгүнэн, Ангелина Никифоровна бастакы бочуоттаах миэстэҕэ тигистэ, иккис миэстэҕэ – Дария Николаевна, үһүс миэстэҕэ – Оксана Феликсовна. Оҕолор ийэлэригэр анаан хоһоон, ырыа бэлэхтээтилэр.

«Көмүс күhүн» 

«Күhүңңү киhи күлбүтүнэн» диэн девизтээх «Көмүс күhүн» бырааhынньыкпытын балаҕан ыйын 18 күнүгэр ыыттыбыт. Бырааhынньыкпыт 3 түhүмэҕинэн ыытыллынна. 1-кы түhүмэххэ оҕолор авангарднай муода көрдөрдүлэр, 2-с түhүмэххэ оҕуруот аhыттан, айылҕа матарыйаалларыттан «Остуоруйа дойдута» диэн Литература сылыгар аналлаах композициялары оңордулар уонна бүтэhик  түhүмэххэ «Көмүс күhүңңэ» аналлаах хоhооннору айбыттара. Бырааhынньыкпытын үгэс буолбут дьаарбаңканан түмүктээтибит.

 «Билии күнэ»

Балаҕан ыйын 1 күнүгэр үөрэх дьылын көрсө оскуолабытыгар мустан «Билии күнүн» ыллыбыт. Оҕолор сайын устата улаатан, сынньанан, оскуолаларын ахтан кэлбиттэрэ көрөргө кэрэхсэбиллээх. Υөрэхпит дьылын Шестаков Айсен Александрович диэн саңа салайааччылаах көрүстүбүт. Ону кытта быйыл оҕобут ахсаана элбээн үөрүүбүт үксээтэ. Быйылгы үөрэх дьылыгар оҕолорго уонна учууталларга үрдүктэн үрдүк ситиhиилэри баҕарабыт.